ವಚನ-14

ಯಾಕೋ ಏನೋ ಯಾರಾದರೂ
ಬಸಿರಾದರೆ ಹೊಟ್ಟೆ ಮುಟ್ಟಿ ನೋಡಿಕೊಳ್ಳುವ
ಚಟ ಸುರುವಾಗಿದೆ ! ಕುಂಬಳ ಕಳ್ಳನಂತಲ್ಲ ;
ಅಕ್ಕ ಮಹಾದೇವಿ ಬಟಾ ಬತ್ತಲಾಗಿ
ಗಳಿಗೆಗೊಮ್ಮೆ ಮಲ್ಲಿಕಾರ್ಜುನನ ಧ್ಯಾನಿಸಿದಂತೆ !
ಬಸವಣ್ಣ ಲಿಂಗಾಂಗ ಸಾಮರಸ್ಯ ಬಯಸಿದಂತೆ !
ಅಲ್ಲಮ ಪ್ರಭು ಬಟಾ ಬಯಲಿನಲ್ಲಿ ಬಯಲಾದಂತೆ !
ಚೆನ್ನ ಬಸವಣ್ಣನ ಹುಟ್ಟನ್ನು ಹೊಟ್ಟೆಯಲ್ಲಿ ಇಟ್ಟುಕೊಂಡಂತೆ !
ಕಾಯಕ ತಪ್ಪಿದ ಕುಹಕ ನಿರಂತರವಾಗಿದೆ !
ಹೀಗಾಗಿ ಯಾರೋ ಬಸಿರಾದಾಗ ..... !
ಹೊಟ್ಟೆ ಮುಟ್ಟಿಕೊಂಡು ನೋಡುವ ಕಾರಣಿಕ ಸಿದ್ಧರಾಮ
ಹೀಗೂ ಉಂಟೆ ಎಂಬ ಅಚ್ಚರಿಗೆ ಬಸಿರಾದ !