ಮಾತ್ಗವಿತೆ-73

ಯಾಕೋ ನೆನಪುಗಳು ಕಾಡಿದಾಗ
ಭಯವಾಗುತ್ತದೆ ; ಬೇಸರವೂ ಆಗುತ್ತದೆ ;
ಒಂದಿಷ್ಟು ಖುಷಿಯೂ ಆಗುತ್ತದೆ !
ನನ್ನ ನೆನಪಿನಿಂದ ಮತ್ತೊಬ್ಬರ
ಹೃದಯ ಭಾರವಾದಾಗ, ಭಗ್ನವಾದಾಗ
ಕಸಿವಿಸಿಗೊಂಡಾಗ ನೆನಪುಗಳು
ಭಯ ಹುಟ್ಟಿಸುತ್ತವೆ !
ದೂರದ ನೆಲ್ಲಿಯ ಕನಸುಗಾರಿಕೆಯ
ಕನವರಿಕೆಗಳಿಂದ ಬೇಸರವೂ ಆಗುತ್ತದೆ !
ಕಳೆದುಕೊಂಡ ಪ್ರೀತಿ-ಪ್ರೇಮದ
ಮರು ಮಿಲನಕ್ಕೆ ಕಾತರಿಸಿ ನೆನಪಿಸಿಕೊಂಡಾಗ
ಒಂದಿಷ್ಟು ಖುಷಿಯೂ ನನಗಾಗುತ್ತದೆ !
ಯಾರು ಏನೂ ಕೊಟ್ಟರೂ ಸರಿ !
ಅರ್ಥವಾಯಿತೇ ಅರ್ಧೇಶ್ವರಿ !