ಬಿಳಿ ಕಾಗದ ಇದು ಬರೀ ಕಾಗದ ... !

ಬಿಳಿ ಕಾಗದ ಇದು ಬರೀ ಕಾಗದ
ಮೂಡಿಸು ನೀನು ಬಣ್ಣದ ಚಿತ್ತಾರ
ಒಲವು ಚೆಲವು ಕಾಣಲೇ ಇಲ್ಲ
ಸೆಲೆಯ ಜಲವು ಚಿಮ್ಮಲೇ ಇಲ್ಲ
ಹೊತ್ತಿದ ಜ್ವಾಲೆ ನಂದಲೇ ಇಲ್ಲ
ಬತ್ತಿದ ಬಾವಿ ತುಂಬಲೇ ಇಲ್ಲ //1//

ಬಿಕ್ಕಿದ ದುಃಖ ಬಯಲಿಗೆ ಇಲ್ಲ
ಕುಕ್ಕುವ ಕಣ್ಣೊಳು ಕಾಂತಿಯು ಇಲ್ಲ
ಮಿಕ್ಕಿದ ಮಾತು ಅರಳಲೇ ಇಲ್ಲ
ದಕ್ಕಿದ ಬೀಜ ಚಿಗುರಲೇ ಇಲ್ಲ ! //2//

ನಾನು ಸುಮಾರು 1998 ರಲ್ಲಿ ಬರೆದ ಪದ್ಯ (ನನ್ನ ಮೋಡ ಕಟ್ಟೇತಿ ಕವನ ಸಂಕಲನದಲ್ಲಿ ಇದೆ) ನೆನಪಾಯಿತು. ಈ ಹಾಡಿಗೆ ನಾನೇ ಸ್ವರ ಸಂಯೋಜನೆ ಮಾಡಿ, ಖಂಜರಿ ಹಿಡಿದು ತಾಳ ಹಾಕಿ ಹಾಡುತ್ತಿದ್ದೆ ! ಮಿತ್ರ ಮಂಡಲಿಗಾಗಿ ದಾಖಲಿಸಿದ್ದೇನೆ. ಓದಿಕೊಳ್ಳಿ ; ಇಲ್ಲವೆ ಹಾಡಿಕೊಳ್ಳಿ !