ಮಾತ್ಗವಿತೆ-174

ಗುಬ್ಬಿ ಮೇಲೆ ಬ್ರಹ್ಮಾಸ್ತ್ರ ಬಿಡುವವರು

ಮಬ್ಬಿನಲಿ ಗರುಡನ ಮೇಲೆ ಬಿಟ್ಟಿದ್ದಾರೆ !

ನಿಮ್ಮ ತೀಟೆಗೆ ; ಗುಂಗಿಗೆ

ಹುಳ ಬಿಡುತ್ತಿದ್ದೇನೆ ! ಸಾಧ್ಯವಾದರೆ ಸಹಿಸಿ

ಇಲ್ಲವೇ ನಿಮಗೆ ನನ್ನನ್ನೇ ನೀಡಿದ್ದೇನೆ

ಎಲುವಿನ ಇಂಚೂ ಬಿಡದಂತೆ ದಹಿಸಿ ಬಿಡಿ !

ಆಟ ಆಡುವವರ ನಡುವೆ ಆತನೂ ಇದ್ದಾನೆ ;

ಹೆಚ್ಚೇನು ಬಿಡಿ ಆಕೆಯೂ ಇದ್ದಾಳೆ !

ವಚನ-39

ಹುಟ್ಟಿನ ಮೂಲ ಅರಿಯದವ

ತಾಯಿ ಪ್ರೀತಿ ಎಂತು ಅರಿತಾನು ?

ಗುಡಿಸಲ ತಡಿಕೆ ದಾಟಿ

ಮಹಲು ಸೇರಿದವಗೆ ಮೂಲ ನೆನಪಿರಬೇಕಲ್ಲವೆ ?

ಮಾನ ಮರ್ಯಾದೆ ಉಳಿಸಿಕೊಂಡು

ಅಸ್ಮಿತೆಯನ್ನೇ ಕಳೆದುಕೊಂಡವರ  ಏನೆಂಬೆ ?

ಕಾರಣಿಕ ಸಿದ್ಧರಾಮ ವಾಸನೆಗೆ ಕೊಟ್ಟ ಹೂವು

ಹೂಸಿನ ಜಾಗಕ್ಕೆ ಇಟ್ಟುಕೊಳ್ಳುವವರ

ಕಾಸಿನಾಸೆ ಕಂಡು ಕಸಿವಿಸಿಗೊಂಡ !