ತಬ್ಬಲಿ ಕೋಗಿಲೆ ಹಾಡಿದ್ದು ಅರ್ಥವಾಗಿದೆಯೇ ?

ಡಾ. ಸಿದ್ರಾಮ ಕಾರಣಿಕ

ಗಿಡದಾ ಮ್ಯಾಲೊಂದು ಕೋಗಿಲೆ ಕುಳಿತು
ಹಾಡ ಹಾಡುತ್ತಿತ್ತ ತನ್ನ ಕತೆಯ ಹೇಳುತ್ತಿತ್ತ
ವೇದನೆಯಿಂದ ತುಂಬಿದ ತುಂಬಿದ ಕೋಗಿಲೆ ದುಃಖದಿಂದಿತ್ತ

ಬಂಧು-ಬಳಗವ ನೆನಪಿಸಿಕೊಂಡು ಬಿಕ್ಕುತ್ತಿತ್ತ
ಒಂಟಿಯಾಗಿ ಕುಳಿತಾ ಕೋಗಿಲೆ ಭಾಳ ನೊಂದಿತ್ತ
ಯಾರೂ ಇಲ್ಲದ ತಬ್ಬಲಿಯಾಗಿ ಗಿಡದಲಿ ಕುಳಿತ್ತಿತ್ತ

ತಾಯಿ-ತಂದೆಯರು ಯಾರು ಅನ್ನೋದು ಗೊತ್ತಿಲ್ಲಾಗಿತ್ತ
ಕಾಗೆಯ ಕಾವಲಿ ಹೊರ ಜಗಕದು ಆವಾಗ್ಗೆ ಬಂದಿತ್ತ
ತನ್ನವರ ಕಾಣದ ಕಂಗೆಟ್ಟ ಕೋಗಿಲೆ ದಿಕ್ಕ ತಪ್ಪಿತ್ತ

ಆಕಡಿ-ಈಕಡಿ ಏನು ತಿಳಿಯದ ಭಾಳ ಅಂಜಿತ್ತ
ತಾನ್ಯಾರು ಅಂತ ತಿಳಿಯದದು ಮರೆಯಲಿ ಕುಳಿತ್ತಿತ್ತ
ತನ್ನ ಜಲುಮವ ನೆನೆ ನೆನೆದು ಕಣ್ಣೀರ ತಂದಿತ್ತ

ಹಿಂಡು ಹಿಂಡಿನ ಗಿಳಿಗಳ ತಂಡ ನೋಡ ನೋಡುತ್ತಿತ್ತ
ತನ್ನ ನಶೀಬದಲಿ ಹಾಂಗಿಲ್ಲೆಂದು ಭಾಳ ಅತ್ತಿತ್ತ
ತನ್ನವರಿದ್ದರ ಕರೆಯಲೆಂದೇ ಹಾಡಲಿ ಕರೆದಿತ್ತ